Category : आरती
Language : मराठी
Author : Samarth Ramdas Swami( समर्थ रामदास स्वामी)
Lyrics in Marathi
सुखकर्ता दु:खहर्ता वार्ता विघ्नाची ।
नुरवी पुरवी प्रेम कृपा जयाची ।
सर्वांगी सुंदर उटि शेंदुराचि ।
कंठी झळके माळ मुक्ताफळांची ॥१॥
जय देव जय देव जय मंगलमूर्ति ।
दर्शनमात्रें मन कामना पूर्तीधृ॥
रत्नखचित फरा तुज गौरीकुमरा ।
चंदनाची उटी कुंकुमकेशरा ।
हिरेजडित मुगुट शोभतो बरा ।
रुणझुणती नूपुरे चरणीं घागरिया ॥२॥
जय देव..
लंबोदर पितांबर फणिवरबंधना ।
सरळ सोंड वक्रतुंड त्रिनयना ।
दास रामाचा वाट पाहे सदना ।
संकटी पावावे निर्वाणी रक्षावें सुरवरवंदना ॥३॥
जय देव..